Lára Stefánsdóttir

Hvaða skólar leyfa mönnum að skrá sig úr fjarnámi og sleppa við greiðslu / fá endurgreitt eftir að nokkrir dagar eða nokkrar vikur eru liðnir af önninni? (FÁ tekur sérstaklega fram að ekki fáist neitt endurgreitt, VMA endurgreiðir ekki innritunargjald en endurgreiðir 50% kennslugjalds ef nemandi hættir innan 4 vikna frá upphafi annar.)

Flestir framhaldsskólar bjóða einungis sínum eigin nemendum upp á dreifnám. Ég velti fyrir mér þessari síðustu efnisgrein í pistlinum þínum: Ertu að mæla með því að grunnskólakennarar bjóði upp á framhaldsskólaáfanga í dreifkennslu? Nú þegar er urgur í framhaldsskólakennurum yfir grunnskólum sem bjóða upp á staðkennda framhaldsskólaáfanga, án þess að hafa sæmilega menntað fólk til að kenna þá ...

Ég get sagt ykkur það, þú hefur legið yfir síðunni minni í gær, frábært!!!

Æ fleiri nemendur í grunnskóla taka framhaldsskólaáfanga á meðan þeir eru þar. Fyrirkomulagið er harla mismunandi og er beitt staðbundnu námi, fjarnámi og dreifnámi. Á heimasíðu Garðabæjar er bent á að 40% nemenda í 9. og 10. bekk í Garðaskóla stunda nám á framhaldsskólastigi í einhverjum mæli sbr. http://www.gardabaer.is/displayer.asp?cat_id=8&module_id=220&element_id=2558

Í Kópavogi koma grunnskólanemendurnir í nám í Menntaskólann í Kópavogi í nokkrum námsgreinum. Þónokkur fjöldi grunnskólanemenda er í fjarnámi í Fjölbrautaskólanum við Ármúla og fá aðhaldsþjónustu í grunnskólanum sínum.

Ég veit ekki hvernig þessu er hagað til á Akranesi en það væri gaman að heyra af því.

Kær kveðja
Lára

Hvað varðar endurgreiðslurnar þá greiða nemendur í fjarnámi ekki nám sitt 100% skólinn þarf að reiða sig á fjármagn frá menntamálaráðuneyti. Að sönnu fær nemandinn ekki endurgreitt ef hann mætir ekki í próf hafi hann ekki sótt um endurgreiðslu fyrir ákveðinn tíma í sumum tilfellum. Hinsvegar stendur það eftir að skólinn fær ekki það framlag sem menntamálaráðuneytið á að greiða þreyti nemandinn ekki próf.

Hinsvegar langar mig að bæta því við að ég hef aldrei skilið af hverju fjarnemandi þarf að borga miklu meira fyrir nám sitt heldur en nemandi í staðbundnu námi. Fjarnemandinn kostar miklu minna í rekstri skólans heldur en staðbundni nemandinn og er því í hæsta máta óréttlátt að rukka hann um meira fé.

Kær kveðja
Lára

Hvernig nýtist upplýsingatæknin þér einstaka sinnum?

Kær kveðja
Lára

UT nýtist mér náttúrlega við að skrifa comment á bloggið þitt, Lára mín ;-)

Harpa mín, það er auðvitað gagnsemi sem ekki verður á móti mælt. En ég átti við hvenær þér þætti gagnlegt að nemendur notuðu hana;-) Ég veit að þér finnst UT ofnotað eins og þú hefur reynslu af henni svo mig langaði að vita í hvaða tilfellum sem þú kallar "einstaka sinnum" þér þætti hún gagnleg fyrir nemendur;-)

kær kveðja
Lára

ps. takk fyrir skrifin, voðalega skemmtilegt að fá umræðu á blogginn;-)

Æi, ég held að það sé gagnlegt fyrir krakkaskinnin að hafa aðgang að gömlum lokaprófum, gagnvirkum prófum, glósum, ítarefni og svoleiðis á vef ... ef námsfýsnin skyldi grípa þau heimavið en ekki bara í skólanum. Þess háttar dót er á heimasíðunni minni, notað af öllu landinu og miðunum, sem ég tel ekki eftir mér að hjálpa til náms. En í kennslustundum sé ég enga ástæðu til að nota tölvur, í mínu fagi, og þær glærur sem ég nota sýni ég á myndvarpa en forðast glærusýningar í tölvu eins og heitan eldinn (vegna vesens við að tengja skjávarpa og tölvu, auk þess sem þetta dót er alltof þungt fyrir lítinn kvenlegan kennara eins og mig). Ég gef nemendum fjölfaldað útkast af glærum ... ef þeir týna því geta þeir prentað þær út af vefnum.

þú ert auðvitað orðin víðfræg fyrir kennsluefnið þitt á Netinu Harpa mín.

Ég er hinsvegar að velta fyrir mér hvernig þú kennir aðallega, eru þetta nánast einvörðungu fyrirlestrar? Ég er alveg sammála þér, ef það er ekki skjávarpi og tölva í stofunni og ekki á að fara t.d. beint á vef eða nota hermilíkön eða hreyfimyndir í fyrirlestri þá breytir svosem engu hvort þetta er á plasti eða í tölvu.

Ég er hinsvegar afar mikið að velta fyrir mér hvernig upplýsingatæknin passar mismunandi kennsluaðferðum og mismunandi viðfangsefnu eða kennslugreinum. Hvað finnst þér um það?

Kær kveðja
Lára

Bara stutt ... verð að fara að slíta mig úr tölvuleikjunum ... athugaðu að það er ég sjálf sem er hermilíkanið í kennslustundum. Þetta er sem sagt "hermilíkans-kennsla" (takk fyrir orðið ;-)

Harpa hermilíkan??? Þá áttu við að þú hermir eftir Agli, stríðsátökum hans, flutningi ljóða og öðrum hetjudáðum?

Já, við Egill verðum æ líkari með árunum og vandséð hvort okkar er orginal og hvort er hermilíkanið. Háir mér samt soldið hvað ég er edrú (en það var Egill sjaldan).

Breyttist það ekkert þegar hann var kominn á þinn aldur?

Nei, hann versnaði frekar en hitt. 46- 47 ára (sem er gott eldra en ég er núna) gubbaði hann framan í og upp í sænskan gestgjafa sinn. Mér hefur einmitt sýnst að áfengis"menning" manna fari versnandi með hækkandi aldri ... fullir unglingar eru leiðinlegir en komast þó ekki í hálfkvisti við ástandið í kennarapartíum þegar líður á nótt, enda liðið í þeim síðarnefndu flest á fimmtugsaldri eða enn eldra.

Við ættum kannski að færa þessar bréfaskiptir undir einhvern annan lið ... þessi kommentadræsa er orðin ansi löng :)

æi, sló saman "bréfaskriftir" og "bréfaskipti"