Lára Stefánsdóttir

Það vantar notkun á hverju ;-) Skilst reyndar af fyrirsögninni. Svo skilar reyndar athygli eða ummönnun alltaf jákvæðum niðurstöðum (þess vegna skorar lyfleysa alltaf svona glettilega hátt í öllum lyfjakönnunum, miðað við að efnafræðiáhrif eru engin) svo kannski skiptir það máli að á leikskólanum er fóstra sem fylgist með notkuninni (varla eru litlu skinnin algerlega eftirlitslaus í tölvunum) en heima eru foreldrarnir að sinna öðru meðan þau planta krakkanum við tölvuna. Ég er viss um að "Lego-kubba-notkun á leikskóla versus heima" hefði skilað nákvæmlega jafnjákvæðri niðurstöðu, dúkkulísu-notkun líka ;-)

Harpa mín,

dúkkulísur og legókubbar eru áreiðanlega ágætir og þroska má áreiðanlega ná án þeirra líka. Mig minnir að ég hafi unað mér ágætlega við leggi og kjálka úr kindum, byggja stíflur í gilinu og ræða við álfa, dverga og huldufólk. Ég er svosem ekki viss um hvað mikið af því var ofurvirkt ímyndunarafl og hvað var satt. Í rauninni tel ég ímyndunina mikilvæga sem grunn fyrir skapandi hugsun og fara með hugann lengra en á það sem er örugglega til og gera þar með hlutina eins og allir hafa alltaf gert þá. Slíkt þykir mér mikilvægt. Ég veit ekki hversu þroskaðri ég hefði orðið ef einhver fullorðinn var með mér í þessu öllu saman en síst ætla ég að halda því fram að ég hafi þroskast vitsmunalega meira en aðrir en svosem ekki minna heldur. Íhaldssemi þykir mér hinsvegar hæfilega áhugaverð án þess að telja að öllu gömlu megi henda.

Kannski er gott að halda dúkkulísum að stúlkum og legókubbum af drengjum ekki ætla ég að standa í vegi fyrir því EN ég tel ekki skynsamlegt að halda tölvum frá börnum og ungmennum eins og mér sýnist þú vera að predika;-)

Kær kveðja
Lára

Ég er ekkert að prédika að það eigi að halda tölvum frá krakkaskinnum á hvaða aldri sem er, ekkert frekar en farsímum, sjónvarpi eða hvaða öðrum rafmagnstækjum. Ég er hins vegar orðin doldið leið á því hvernig "niðurstöður erlendra rannsókna" eru gleyptar hráar, einkum af þeim sem prédika yfir kennurum allra aldurshópa.

Af hverju heldurðu annars að legókubbar henti strákum og dúkkulísur stelpum? Mætti þetta ekki vera öfugt?