Lára Stefánsdóttir

Þegar þessi unga þingkona var þriggja ára fórum við stundum saman út að labba. Þá var hún ósköp þæg, sagði reyndar fátt en var til í að leiða mig ... Hefur greinilega fengið málið og skoðanirnar síðan í þessa gamla daga. Annars er ég sosum sammála henni um að ekki eigi að velja annað kynið fram yfir hitt, þykir hins vegar skítt að missa Siv sem að mínu viti er bjartasta von flokksins og var langframbærilegasti ráðherra hans. Án þess ég styðji þennan flokk fremur en aðra (kýs ævinlega eftir fólkinu í framboði en er slétt sama um flokka, nema hvað ég kýs náttúrlega ekki Sjálfstæðisflokkinn sem þegar fær alltof mörg atkvæði af þessu heimili).

Ég get ekki séð að þú sért sammála því að það eigi ekki að velja annað kynið fram yfir hitt. Framsóknarmenn eru að velja annað kynið fram yfir hitt, ég sé ekki í hendi mér að þingkonur flokksins séu minna hæfar en karlráðherrar flokksins. Því sé ég ekki annað en að þau velji frekar karlmenn þó þeir eigi jafn hæfar eða jafnvel hæfari konur. Nema allir séu til í að samþykkja að Sif sé minna hæf en þeir karlar sem eru frá Framsókn í ríkisstjórn.