Lára Stefánsdóttir

Velkomin heim! Ég reikna með að þetta Hexíu-hrós sé fylgifiskur þess að fyrirtækið þitt er að nota og jafnvel hampa þessu dóti. Mér fannst þetta hreint ekkert auðvelt, notendavænt né sniðugt kerfi miðað við upplýsingarnar á heimasíðu fyrirtækisisins sjálfs (sem auk þess var eitthvað vitlaus ofin, a.m.k. var lykkjufall þarna einhvers staðar í krækjum). Þar sem ég tel mig hvorki byrjanda í UT né hálfvita hlýt ég að draga þá ályktun að Hexíu-viðmótið þurfi að endurhanna ef hrósið þitt á að standa undir nafni ;-) (Svo er ég að berjast við að vera með uppsteit í einhverju og ákvað að nota þig, ljúfan mín, sem æfingardæmi ;-)

Frábært Harpa mín, auðvitað vantar mig líka dæmi um einhvern sem sér allt ómögulegt við þetta mál til að sjá hvernig best er að vinna við það.

Hvað varðar samninga Þekkingar og Hex þá eru þeir fyrst og fremst mér að kenna því ég hef brennandi áhuga á þessu efni og trúi því (þar til þú sannfærir mig um annað) að þetta sé hið merkasta verkfæri í námi og skólastarfi. Því vildi ég að fyrirtækin gerðu samning svo ég gæti verið með í öllu saman og er því harla kát með það;-)

Ég á handbókardrög um þetta sem mig vantar að fá einhvern til að tæta í sig, allir eru svo voðalega kurteisir og finna ekkert að henni. Ert þú kannski til í að skoða hana fyrir mig og segja mér hvað þér finnst. Þú finnur þá einmitt meira sem þú getur gagnrýnt;-)

Kær kveðja
Lára

Pifff finna ekkert að henni ;) Þú ert greinilega ekki að leggja þetta fyrir "rétta" fólkið ;)

Sjálfsagt að senda þér eintak;-)

Þú verður að setja traust þitt á Tryggva, hvað gagnrýni á handbókina varðar, því ég kemst varla yfir Njálu, hvað þá meir, þessa dagana. Ég er ekki að segja að Hexíu megi ekki nota - ég var að segja að staðhæfingar um að allt varðandi notkun liggi svo ljóst og fínt fyrir væru argasta bull ... og svo var ég að segja að vefsíða fyrirtækisins sökkaði. Bara svo það sé á hreinu. Getur vel verið að Hexía, þá manni tekst (sennilega ekki af sjálfsdáðum) að læra að nota hana sé OK - reyndar hef ég aldrei skilið af hverju menn nota ekki bara farsímann til að hringja og senda SMS sín á milli og af hverju tölva og internet þarf að vera milliliður í því sambandi ...? Tengir Hexía næst þvottavélina og bakarofninn inn á kerfið?