Lára Stefánsdóttir

Blessuð vertu - þú þarft ekkert handklæði því þetta venst vel! Þú borðar endalaust grænmeti og breytir smám saman mataræðinu því þér mun líða svo vel af þessu. Breyttur lífsstill er ekkert til að gráta yfir elsku Lára mín. Viktarráðgjafinn er í miklu uppáhaldi hjá mér- líka! Kv. frá Jónu

Virðist ótrúlega fjölbreytt gagn af handklæðum, miðað við handklæðasíðuna. Kíkti líka á dönsku megrunarsíðuna og vil benda þér á að það er enginn vandi að gera "fyrir" og "eftir" myndir í Fótósjoppu (eða PSP) með minni þjáningum en eta grænmeti í hvert mál. (Mér hefur einnegin tekist að útskrifa kött með þeirri aðferð ;-) Ég reikna nefnilega með að fyrir-eftir myndir séu aðalmálið, þær eru alltaf mest áberandi á megrunarsíðum.

Annars segi ég bara gúdd lökk með megrunina og handklæðið! Sjálf hef ég gert mín aukakíló að aðalkílóum (að sinni) og lít náttúrlega miklu betur út með þau en náttúrlega mjög mjó! ... svo mikið betur að fólk heldur jafnvel að ég sé hætt að reykja ;-)

Handklæðadagurinn er möst Jóna þar sem handklæði hafa afar víðtæka gagnsemi sé maður puttaferðalangur um geiminn eins og kemur fram í Hitchikers guide through the galaxy. En mér líst annars vel á matarprógrammið, væri alveg til í að fótósjoppa mig Harpa hefði meira gaman af því en breyttu mataræði. En einhverntíman þurfti ég svosem að fara að taka á þessum lífsstíl, ég vil ekki hanga í líkamsræktarsölum, gönguferðir á morgnana með Káti eru bestar svo þetta er líklega það alskynsamlegasta sem ég geri. Nú þarf ég bara að halda þetta út svo allur stuðningur og pepp afar vel þegið;-) Kannski ég léttist;-)

Þar sem ég er áskrifandi af dönsku blaði sem styður þessa lífstílsbreytingu þá á ég hrikalega mikið af skemmtilegum uppskriftum frá þeim, þær eru yfirleitt mjög bragðgóðar, Þú getur fengið að kíkja aðeins í möppuna hjá mér ef þú vilt.

Vil koma því að í umræðunni (svo enginn telji mig grænmetisóvin) að ég dvaldi í 3 vikur í Hveragerði fyrir 7 árum síðan og var eingöngu á grænmetisfæði, þar sem ég lét ekki ofan í mig fiskmeti það sem aðrir vistmenn gröðguðu í sig einu sinni í viku. Mér þótti grænmetis-maturinn mjög góður (hins vegar fitnaði ég einungis um 300 grömm í þessari dvöl þrátt fyrir ráðleggingar næringarfræðingsins á hælinu). Grænmetismaturinn fer líka ljómandi vel í maga, öfugt við það sem margir halda. Aftur á móti tel ég sama hælis það mjög til lasts að bjóða upp á hundrað tegundir af te-dóti en ekkert kaffi! Gerði svo sem lítið til því flestir dvalargestir koma sér í kaffiklúbb á fyrsta degi og taka þátt í uppáhellingum á öllum baðherbergjum hælisins. Ég gekk fúslega í kaffiklúbb reykingamanna, sem dvöldu löngum stundum í sínum reykingakofa á lóðinni og skutu skjólshúsi yfir þá sem féllu á "hætta-að-reykja" námskeiðunum á sama hæli ;-)

Sem sagt: Mæli bæði með grænmeti og hælinu :)