Lára Stefánsdóttir: Færslur í júní 2005

Færslur í júní 2005

« maí 2005 | Forsíða | júlí 2005 »

Miðvikudagur 1. júní 2005

Frá Þelamerkurskóla

Mynd sendi: Lára
Sent með GSMbloggi Hex

kl. 13:53|Menntun || Álit (0)

Miðvikudagur 1. júní 2005

Áhugasamir kennarar;-)

#
Skilaboð sendi Lára
Sent með GSMbloggi Hex

kl. 13:54|Menntun || Álit (0)

Föstudagur 3. júní 2005

Kráka og kettlingur

Rakst á magnaða sögu af kráku sem tók kettling í fóstur, endilega kíkið á myndbandið. Undarleg þessi veröld.

kl. 13:58|Tilveran || Álit (0)

Föstudagur 3. júní 2005

Nú á ég loksins lára.is eftir að verð á lénum með íslensku stafsetningunni urðu viðráðanleg. Verðlagningin var fáránleg en nú er hægt að kaupa lénin og fá 90% afslátt bæði af kaupum á léni og árgjaldi eigi maður lénið án séríslensku stafanna. Þetta er til mikils sóma og um að gera að hrósa ISNIC fyrir að breyta frá fyrri hugmyndum. Þetta er einmitt eitt þeirra mála sem ég beitti mér fyrir á Alþingi í apríl þegar ég brá mér þangað í afleysingar.

kl. 16:38|Ymislegt || Álit (1)

Föstudagur 3. júní 2005

Allir nema einn

Þegar ég var á Alþingi í byrjun apríl lagði ég fram fjórar fyrirspurnir til ráðherra. Nú hefur þremur þeirra verið svarað en engin viðbrögð komið við þeirri fjórðu. Sú fjallar um laun fyrir fjar- og dreifkennslu í framhaldsskólum en menntamálaráðherra hefur ekki haft tíma til að svara þeirri fyrirspurn. Fyrirspurn mín til dómsmálaráðherra varðandi lögregluna á Akureyri var ekki einfaldari í sniðum en engu að síður var henni svarað nokkuð snaggaralega eða innan við mánuði. Um það leyti auglýsti ráðherrann síðan að hann hefði bætti við lögregluna hér enda hafði ekki verið fjölgað þar í þrjátíu ár eftir því sem mér skilst. Löggurnar fjórar bætast þó ekki við liðið hér á Akureyri heldur er mér tjáð að þær muni vera á rúntinum um víðlendur Norðlendinga svo spurningin er hver fjölgunin var fyrir Akureyringa. Hvað um það nú er spurningin hvort menntamálaráðherra getur svarað spurningunni minni. Það eru að verða tveir mánuðir síðan ég spurði.

kl. 16:47|Pólitík || Álit (0)

Föstudagur 10. júní 2005

Rotaryklúbbur Akureyrar

Rótary félagar í skógræktinni í Botni.
Mynd sendi: Lára
Sent með GSMbloggi Hex

kl. 20:03|Ymislegt || Álit (0)

Föstudagur 10. júní 2005

Hermann Sigtryggsson

Rótarýfélagar að Botni, Hermann tók myndir svo ég tók eina af honum;-)
Sent með GSMbloggi Hex

kl. 20:25|Ymislegt || Álit (0)

Sunnudagur 12. júní 2005

Hrossagaukur á hreiðri

Hrafnhildur Lára fann þetta hreiður fyrir viku síðan rétt hjá bústaðnum mínum og mér kom á óvart hversu þaulsætinn fuglinn er. Ég ákvað því að prófa að mynda hann fyrir ljósmyndakeppni en sama þó ég færði stráin öll frá þegar hann fór af hreiðrinu þá var hann búinn að raða þeim yfir sig aftur þegar á hreiðrið var komið. Svo ekki verður þetta keppnismynd en skynsamur er fuglinn að fela sig svona vel. Hann fellur ótrúlega vel að umhverfinu og ég þurfti að vita að hann var þarna til að sjá hann.

kl. 22:54|Ljósmyndun || Álit (0)

Þriðjudagur 14. júní 2005

Prósentutrikk og framlög til háskóla

Ég heyrði í Þorgerði Katrínu menntamálaráðherra meðan ég var að stússast af stað í vinnuna í morgun þar sem umræðuefnið var yfirlýsing rektors Viðskiptaháskólans á Bifröst um framlög ráðuneytisins til rannsókna á Íslandi. Greip ráðherrann til hins alkunna prósentuplats þegar hún sagði að framlög til háskóla á landsbyggðinni hefðu aukist um 60% án þess að geta á hvaða tíma né heldur taka inn í málið að skólarnir hafa verið að byggjast upp frá grunni undanfarin ár. Því eru prósentusamanburðir við einhverja aðra auðvitað ekkert nema blekkingarleikur. Orðræða um að menn verði að þola samkeppni eru síðan hefðbundnar klisjur Sjálfstæðismanna þegar þeir vilja ekki horfast í augu við eigin gerðir.

Continue reading "Prósentutrikk og framlög til háskóla" »

kl. 09:30|Pólitík || Álit (0)

Miðvikudagur 15. júní 2005

Hjá Geimstofunni

#
Skilaboð sendi Lára
Sent með GSMbloggi Hex

kl. 15:18|Vinnan || Álit (0)

Miðvikudagur 15. júní 2005

Kúl jógúrtauglýsing

Var í heimsókn á Geimstofunni í dag og kíkti m.a. á auglýsingar sem þeir hafa verið að gera og varð hrifin af auglýsingunum þeirra á Húsavíkurjógúrt - sérstaklega þessari. Ferlega gaman af þeim, þeir kunna sitt fag strákarnir;-)

kl. 17:14|Ymislegt || Álit (0)

Miðvikudagur 29. júní 2005

Athyglisverðar fylgissveiflur

Fylgi flokka í norðausturkjördæmi hefur sveiflast verulega frá síðustu kosningum samkvæmt síðustu könnun Gallup. Þá er staðan sú að Samfylkingin er með 31% mest allra (var með 23,5 í kosningum), Sjálfstæðisflokkur 29% í stað 23,5 í kosningum og VG með 23,7% en fengu 14,1%. Allir þessir flokkar bæta verulegu við sig. Fylgið kemur allt frá Framsóknarflokknum sem virðist vera í talsverðri lægð og ekki njóta trúnaðar við kjósendur frá síðustu kosningum. Við getum unað sátt við okkar stöðu þrátt fyrir að úrtak sé lítið eru þetta ákveðnar vísbendingar um að við séum á réttri leið. Starfið hefur verið öflugt og flokksmenn úr kjördæminu hafa verið kjörnir í áhrifastöður flokksins. Nú er bara að halda áfram góðu starfi og efla það enn meira.

kl. 09:27|Pólitík || Álit (0)

Knúið af Movable Type 3.33