Lára Stefánsdóttir

Hrafnhildur Lára fann þetta hreiður fyrir viku síðan rétt hjá bústaðnum mínum og mér kom á óvart hversu þaulsætinn fuglinn er. Ég ákvað því að prófa að mynda hann fyrir ljósmyndakeppni en sama þó ég færði stráin öll frá þegar hann fór af hreiðrinu þá var hann búinn að raða þeim yfir sig aftur þegar á hreiðrið var komið. Svo ekki verður þetta keppnismynd en skynsamur er fuglinn að fela sig svona vel. Hann fellur ótrúlega vel að umhverfinu og ég þurfti að vita að hann var þarna til að sjá hann.