Lára Stefánsdóttir

Sæl vertu Lára!
Ég skil ekki hvers vegna Þessi ágæta kona hefur ákveðið að ganga til liðs við Sjálfstæðisflokkinn. Ef ég skil hugsjón jafnaðarstefnunnar rétt, gengur hún öðru fremur út á virðingu og umhyggju fyrir náunganum. Ég vil gjarnan reyna að virða skoðanir sjálfstæðismanna, sem geta oft verið virðingarverðar, en ég hef ekki svo mikla tillitsemi til að bera að ég þurfi að vera sammála öllum viðmælendum fyrir það.
Þetta, sem þessi ágæta kona hefur ákveðið að gera, er alfarið hennar einkamál, og þess vegna tel ég að hún eigi að segja af sér öllum trúnaðarstörfum fyrir Samfylkinguna.
Og að svo búnu vil ég senda þér og öðru fólki sem kann að lesa þetta, þakkir fyrir ágætt kjördæmisþing sem var hér á Seyðisfirði á líðandi ári. - Með von um að komandi ár verði ár friðar og samhugs.

Lára, ég get vel skilið að þið séuð sár en svona pistill eins og þú skrifar hérna dæmir sig gersamlega sjálfur. Ef ykkur finnst sem einhver hafi verið ósanngjarn gagnvart ykkur eigið þið ekki að falla í þá gryfju að svara með ósanngirni. Þegar þú telur upp flokkana sem Oktavía hefur starfað með veistu vel hvernig að þeim málum var staðið og reyna að sannfæra mig um að þú sért svo illa upplýst að þú vitir það ekki. Akureyralistinn var kosningabandalag A-flokkanna Samfylkingin er sameining sömu flokka sem þið hafið svo mjög státað af. Ef þetta er málið eru frekar fáir samfylkingamenn með hreinan skjöld og þér væri þá nær að skoða ferilskrá fleiri flokkssystkyna þinna. T.d Formannsins, fyrrum formanns, Jóhönnu Sig. Ástu Ragnheiðar ofl. Frekar dapurt að lesa svona óábyrgt hjal frá manneskju sem ég hélt að væri meira í spunnið. En svo ég sé sjálfur sanngjarn þá verð ég að segja að hingað til hefur mér líkað vel við skrif þín og bið þig endilega að halda áfram á málefnalegum nótum.

Ef ekki væri tilfinningar í skrifum Láru þá væri það dauð skrif. Það er ekki hægt að leggja málefnastiku á slíkt þegar samherji kastar sér í fang andstæðinganna. Látum vera að Fía hafi gerst óháð eða pólitískur munaðarleysingi. En þeir sem til vita þá sótti Oktavía fundi fram að 10.okt og vissi um nokkra taktískar dagsetningar vegna undirbúnings fyrir vorið. Einnig kom hún með tilnefningar í málefnanefndir fyrir veturinn. Það að draga sig hljóðlega í hlé þýðir ekki að þar með sé ljóst að hún sé kominn inn í herbúiðir andstæðinganna. Í raun fagna ég þessari niðurstöðu, og óska Oktavíu og Sjálfstæðisflokknum velfarnaðar í samstarfi. Fagna því að hún hafi fundið heimalundinn og málefnagrunninn. Ég skil einfaldlega ekki pólitíska sýn Oktavíu og jafna formann Sjáfstæðisflokksins við helstu jafnaðarforingja sögunnar. Ég hef þekki Geir Haarde í 30 ár og mig minnir að hann sé einn af stofnendum Frjálshyggjufélagsins og varaformaður um skeið. Lengi vel reyndi Sjálfstæðisflokkurinn að bíta þetta félag af sér en rann inn eftir valdatöku Davíðs og Hannesar H. Thacher í sinni sönnu mynd. Þangar er Oktavía komn á pólitískri vegferð sinni - líkt og hæna í minkabúri. Hversu lengi lifir hún það? Er það kannski rétt að hún verði menningarfulltrúi Akureyrarbæjar 1. maí í vor? Er það rétt?
Skrifað af tilfinningu á næst síðasta degi 2005.
Gísli Baldvinsson

Alveg rétt Viddi að ég er ferlega sár yfir þessu en það líður hjá. Það er ekki auðvelt að ganga í gegnum það að vera búin að styðja stjórnmálamann, verja hann út um allan bæ, vera boðin og búin til aðstoðar og fá síðan þessar köldu kveðjur. Greinin atarna er kannski óþarflega kaldhæðin en ég skil hvorki upp né niður í konunni né heldur hvað hún er að tala um og er þó búin að vera í mikilli vinnu fyrir flokkinn. Kannski er það mín leið til að loka þessu máli að finnast það bara dálítið fyndið.

Leiðtogi flokks hefur heilmikið um stefnu flokks að segja og fáir í betri aðstöðu til þess að stjórna því. Þar af leiðir er óskiljanlegt fyrir mig að forystumaður flokksins í bæjarstjórn fari vegna stefnu flokksins.

En það góða er að við eigum mjög góðan hóp manna sem er að taka við sveitarstjórnarmálunum og þetta eru ekki margir mánuðir til vors. Staðan er óneitanlega óþægileg en alls ekkert óyfirstíganleg.

Tek undir hvert einasta orð hjá þér frú Lára. Ef Oktavía heldur að hægt sé að framfylgja stefnu jafnaðarmanna innan raða Sjálfstæðismanna er það eins og að henda hænu inn í minkabú þar sem minkurinn gengur laus og ætlast til að minkurinn hlusti á hænuna. Og að Oktavía ætli sér að vinna með Kristjáni Þór minnir mann á málsháttinn um ,,klárinn og meðferðina á honum....."

Ég er alveg sammála ykkur með það að ég skil ekki þessa ákvörðun Oktavíu, ekki síst ef ég rifja upp það eina samtal sem ég hef átt við þessa manneskju. Það var reyndar á síðasta kjörtímabili þegar hún var í meirihlutasamstarfi með Sjálfsstæðisflokknum. Það sem ég man úr þeirri umræðu var bara hvað hún vandaði þáverandi samstarfsflokki ekki kveðjurnar. Hugsandi um það verð ég að segja að ég er verulega undrandi og hefði álitið að þetta væri það síðasta sem gæti gerst. Ætla ekki einu sinni að reyna að hafa það eftir sem hún sagði.

Mörgum Sjálfstæðismönnum er illa brugðið. Þetta er hrikalegur afleikur hjá Oktavíu. Henni verðu ekki tekið fagnandi á þeim bænum er mér kunnugt um. Það verður gaman fyrir frammarana í meirihlutanum. ´Nú þarf Sjálfstæðisflokkurinn ekkert á þeim að halda...fimm fulltrúar hjá Sjöllum Oddur situr hjá eins og alltaf og VG á móti. Sjálfstæðisflokkurinn hefur því tryggt sér 7 fulltrúa í bæjarstjórn og þarf ekkert á þeim að halda. Kobbi og co eru því orðin súkkulaði í meirihlutanum.

Það sem er ef til vill erfiðast fyrir okkar fólk sem ég hef hitt er að horfast í augu við það að öll atkvæði greidd Samfylkingunni í síðustu kosningum voru flutt til Sjálfstæðisflokksins af einni konu. Lýðræði er eitt það mikilvægasta sem við eigum og þegar fólk er svipt atkvæði sínu á þennan hátt þá hlýtur að svíða undan því. Ég er ekki einu sinni viss um að Sjálfstæðismönnum líði vel að fá atkvæði á þennan hátt. Einnig breytir þetta valdahlutföllum í bæjarstjórninni og Framsóknarmenn hljóta að missa talsvert stöðu við að það fjölgar Sjálfstæðismönnum. Þannig er stjórn bæjarins hætt að endurspegla lýðræði á Akureyri. Ég skil ekki hvernig nokkur getur farið svona með það sem honum er falið að varðveita. Ábyrgð okkar sem bjóðum fram þjónustu okkar í stjórnmálum er fyrst og fremst að standa vörð um lýðræðið og það svíður þegar traðkað er á því.

Ég segi enn og aftur, frú Oktavía skuldar sjálfum sér sem og öllu Samfylkingarfólki að biðjast afsökunar og segja sig frá öllum trúnaðarstöðum sem hún náði í nafni Samfylkingarinnar. Ef hún gerir það bjargar hún því sem eftir er af andlitinu. Að öðrum kosti verðskuldar hún vart virðingu okkar. Með ósk um gleðileg áramót og farsælt Samfylkingar ár. Páll Jóhannesson

Tek undir nýársóskir Páls sem er dugnaðar skoðanaforkur. Eins og ég sé þetta í sinni einföldustu mynd þá voru tekin 1000 atkvæði krossuð við Samfylkinguna og færð með einu pennastriki (blaðamannafundi) yfir á Sjálfstæðisflokkinn. Jafnvel vont bragð í munni bæjarstjóra. Sagði þetta ekki sinn stíl. Oddur Helgi flögraði um stund en samþykkti svo að þetta stríddi gegn sínu siðferði. Hann hefði verið heiðarlegri.
Óska öllum lesendum Lárusíðu gjæfu á nýju (kosninga) ári og sendi pjusurum sérlegar kveðjur.
Gísli Baldvinsson.

Mér finnst að kona sem heitir Oktavía eigi skilyrðislaust að ganga í átta stjórnmálaflokka á sínum ferli!

Svo óska ég þér gleðilegs árs, Lára mín :)

Gleðilegt nýtt ár Samfylgingarfólk. Er sjálfur Óháður en konan mín er flokksbundin hjá ykkur. Það sem þarf til að ég kjósi ykkur er bara að þið hættið að hringla með niðurstöður prófkjöra. Minni á að það var ung og glæsileg kona sem hefði orðið verðugur fulltrúi sett út í kuldann fyrir gamlan afdankaðan karl sem Akureyringar hafa þegar hafnað. Ég er mjög ósáttur við þessi vinnubrögð. Þessi frasi um fléttulista er hjóm í mínum eyrum. Takk fyrir gamla árið. Látið skynsemina ráða þá farnast öllum vel.

Það verður aldrei gert þannig að öllum líki og ég tel að Margrét Kristín Helgadóttir fái í ljósi frammistöðu sinnar í prófkjörinu verðugt hlutverk í flokknum. Enginn veit ævina fyrr en öll er og aldrei skal vanmeta þann tíma sem við fáum þegar við byrjum í stjórnmálum til að læra og öðlast reynslu. Lífið í pólitík stendur ekki og fellur með einu sæti til eða frá á framboðslista heldur því sem maður leggur sjálfur til starfsins í flokknum fyrir sitt fólk. Mestu skiptir að vera trúr því sem manni er falið og ljóst er að gríðarlega mikill fjöldi flokkmanna hefur falið Margréti Helgu hlutverk sem ég er sannfærð um að hún mun axla vel og hlakka til samstarfs við hana sem og hina á árinu.