Lára Stefánsdóttir

Á morgun er fyrsti bæjarstjórnarfundur á Akureyri eftir að bæjarfulltrúi Samfylkingarinnar fór til liðs við Sjálfstæðisflokkinn. Það er erfitt fyrir flokksmenn að reyna að standa sína plikt undir þeim kringumstæðum en með því að mæta á bæjarstjórnarfundi á áheyrendapalla tryggjum við að umræður á fundinum komast beint til skila inn í málefnavinnuna okkar sem einmitt stendur nú yfir. Ég kemst því miður ekki á morgun en er ákaflega stolt af þeirri ábyrgðartilfinningu samflokksfélaga minna sem ætla að mæta og sinna starfi fyrir flokkinn okkar.