Lára Stefánsdóttir

Hvernig "stútar" Flickr íslenskunni?

Einhver tákn koma í stað íslensku stafanna ef maður prófar að senda mynd sem er á Flickr beint inn á Moveable Type sem er bloggkerfið sem ég nota hér í miðdálknum.

Hef les lítið eitt um vetrarhátíðina og finnst hún, hreint út sagt, brilljant hugmynd. Hátíðin getur verið kjörinn vetvangur til að kynna Íslendingum fjölmenningarsamfélög með afar jákvæðum hætti. Nýbúarnir byrtast sínum nýju landsmönnum í jákvæðu ljósi þar sem þeir fá tækifæri til að sýna það besta, að þeirra eigin mati, frá upprunalöndum sínum. Sé vel um þessa hátíð haldið getur hún ekki orðið til annars en að hjálpa okkur að og hinum nýju landsmönnum okkar til að lifa í sátt og samlyndi með gagnkvæmri virðinugu.

Í mínu starfi sé ég sjaldan breiðari bros en þegar börn frá Gambíu eða Albaníu, svo dæmi séu tekin, sýna manni eitthvað fallegt sem á ættir að rekja til uppruna þeirra.

Ég er sammála, við þekkjum okkur sjálf í því hversu gaman okkur finnst að segja frá Íslandi hér og þar. Kannski erum við nánast óþolandi á stundum;-) En mér finnst sjálfri svo skemmtilegt að kynnast fólki frá öðrum stöðum í veröldinni að hátíð sem þessi er fjársjóður til að gefa manni aðeins innsýn í veröld þeirra sem búa með okkur. Við erum rík að hafa allt þetta fólk og síðan er fengur að því að það sé til í að taka tíma í að kynna okkur sitt;-)

Varðandi Flickr og íslenskuna þá held ég að vandamálið liggi ekki hjá Flickr. Ég hef gert tilraun með að blogga í gegnum Flickr og íslensku stafirnir komast allir til skila. Ég nota að vísu Wordpress, en get ekki ímyndað mér annað en Movable Type virki fínt líka. Kannski spurning um "charset" skilgreiningar í sniðmátinu sem þú notar? Ég get reyndar ekki séð neina "charset" skilgreiningu þannig að ef til vill ruglar það vafrana, þ.e. að vita ekki hvaða stafasett þeir eiga að nota til að birta efni vefsins. Og annað. Þú er líka með eftirfarandi meta tag sem mig grunar að sé ekki alveg í samræmi við innihald/tungumál vefsins.