Lára Stefánsdóttir

Um helgina fór ég í ofboðslega skemmtilega ljósmyndaferð á Snæfellsnes með tveimur bekkjarsystrum mínum frá Bifröst og systur einnar. Við fjórar kerlíngarnar höfðum það ofboðslega gaman og snudduðum um utanvert nesið og mynduðum hóla og hæðir. Við nutum frábærrar gestrisni Óla 7 í Bárðarbúð á Hellnum þannig að ég gat hitt fólkið mitt á Ökrum sem ég kunni vel að meta. Ég fékk fínar myndir til að nota á sýningunni minni sem verður opnuð 7. júlí á írskum dögum á Akranesi og hlakka mikið til. Það eru þó mörg handtökin sem þarf að vinna áður en það er tilbúið;-)