Lára Stefánsdóttir

Þegar Davíð Oddsson er kominn í Seðlabankann og mér virðist einsýnt að félagi hans Halldór Ásgrímsson sé á leið þangað líka þá kemur mér í hug orðræðan um þau glæstu eftirlaun sem þingmenn, sérstaklega ráðherrar, eiga að hafa. Ef ég ætti von á ofureftirlaunum myndi ekki hvarfla að mér að fara í Seðlabankann heldur eyða tíma mínum í ljósmyndun, ferðalag til Nýja Sjálands, reyna að skrifa bók eða eitthvað annað sem ég myndi vilja dunda við eftir langan stjórnmálaferil og enga nauðsyn á því að vinna fyrir lífsviðurværi. Nú held ég að bankastjórastarf í Seðlabankanum sé alvörudjobb þar sem maður þarf að vinna... eða er það kannski bara hvíldarstarf sem gerir eftirlaunin ekkert sérstaklega freistandi? Ég skil þetta bara ekki....