Eins og ég skrifaði um í gær þá er ég að grafa mig í gegnum ljósmyndasöguna. Þar datt ég um Ibn al-Haytan, sem heitir líka Abu Ali al-Hasan, Ibu al-Hasan og stundum kallaður al-Basri. Afar merkilegur vísindamaður sem fyrstu er talinn hafa skilgreint camera obscura en í því sem ég finn um hann er það dregið fram að hann hafi verið múslimi. Ég hef ekki rekist á að það sé talað um trúarhneigð nokkurs annars í ljósmyndasögunni en hér er þetta skýrt, hann var múslimskur vísindamaður. Múslimi þýðir "sá sem gefur sig Guði" eða "one who submits to God" og getur því þýtt að hann hafi verið trúaður maður.
Hinsvegar sýnist mér að hin vestræna saga tali ekki mikið um al-Hasan og velti enn fyrir mér hvort Leondardo da Vinci hafi e.t.v. lesið arabísku og allar hans mýmörgu uppgötvanir e.t.v. að einhverju leyti verið þýðingar úr arabískum ritum enda var þróuð menning í Persíu.
En nóg af vangaveltum í bili... þetta er allavega áhugvert.
Áskrift að vefdagbók
Álit (2)
Ég gæti helst trúað því að þetta hafi meira með það að gera að vald kristinnar kirkju var rosalega mikið á miðöldum, nokkuð sem hafði frekar heftandi áhrif á vísindalegar framfarir en örvandi. Þar af leiðandi voru arabar á þessu tímabili evrópubúum fremri á sviði efnafræði og slíkra greina. Ég held að þarna hafi einmitt ekki sérstaklega verið að vísa til trúarhneigðar hans, heldur frekar að hann var arabi.
Mánudagur 28. maí 2007 kl. 12:47
Ég held að það sé rétt að Arabar hafi verið okkur nokkru fremri á þeim tíma sem al-Haytan var uppi og þeir hafi búið við meira frelsi en var í Evrópu vegna ofurvalds kirkjunnar á þessum tíma. Svo má velta fyrir sér hvort það hafi breyst núna.
Mánudagur 28. maí 2007 kl. 13:14
Liðinn er sá tími sem hægt er að gefa sitt álit. Hafðu samband ef þú vilt koma einhverju á framfæri