Verið velkomin,

þessar síður fjalla um aðferðafræði fjarkennslu, trú viðfangsefninu verður þessi hluti í fjarkennslu og vil ég biðja ykkur að fylgjast vel með ykkur sjálfum sem námsmönnum um leið og þið fáist við aðferðafræðina. Meginviðfangsefni þessa námsþáttar er að þátttakendur:

• læri að þekkja helstu aðferðafræði fjarkennslu á neti
• leggi mat sitt á þessar kennsluaðferðir
• finni eigin skoðanir á því hvernig best sé að fjarkenna
• kynni sér ritað efni um fjarnám 
• kynni sér stofnanir sem bjóða upp á fjarnám
• kynni sér lauslega verkfæri sem hægt er að nota í fjarkennslu á neti
• læri að þekkja sjálfan sig sem nemanda í fjarnámi

Námsmat verður byggt á hversu vel nemandinn:

• er virkur í umræðum (virknin ætti að vera jöfn í gegnum allan námsþáttinn)
• "hlustar" þ.e. hversu vel hann kynnir sér það sem aðrir nemendur segja
• gerir skilaverkefni
• sýnir frumkvæði
• útfærir skipulag á eigin kennslu

Segja má að aðferðafræði fjarkennslu flokkist í tvo meginþætti, kennslufræði og verkfæri. Með verkfærum á ég við þann hugbúnað sem nýttur er til náms í fjarkennslunni en með kennslufræði þær kennsluaðferðir sem kennarinn notar og leiðir stundum til mismunandi námsaðferða nemenda.

Ég mun ekki sökkva mér í verkfæraþáttinn heldur beina sjónum fremur að kennslufræðinni og þeim aðferðum sem kennarinn getur beitt.

Nemendur geta haft samband við mig á meðan á námskeiðinu stendur í tölvupósti á netfanginu lara@ismennt.is eða lara@lara.is,  í síma 461-4761 sem og í farsíma 896-3357. Ef ykkur reynist erfitt að ná á mér í síma er glúrið að senda mér tölvupóst og ég get hringt í ykkur.

Ég hlakka síðan til að kynnast ykkur og hugmyndum ykkar á þessu sviði.

Kær kveðja
Lára

©Lára Stefánsdóttir, 2002