Aðferðafræði fjarkennslu

Oft er erfitt fyrir nemendur í fjarnámi að gera sér grein fyrir því hversu umfangsmikil verkefni eiga að vera. Nemendum hættir oft til að skila óskaplega viðamiklum verkefnum í fjarnámi og spenna bogann of hátt, þetta leiðir til gríðarlegs vinnuálags bæði hjá nemanda og kennara. Ég vil því biðja ykkur að hafa umfangið ekki meira (má vera styttra) en ég bið um því vegna reynslunnar þá les ég ekki lengri texta. Ein síða er miðuð við A4 og 10 punkta letur. Ég skrifa áætlað umfang við hvert verkefni, þetta á við viðfangsefnið í heild, bæði lestur (lesefni og bréf á póstlista) og verkefnagerð.

Verkefni 1

Lesið um kennsluaðferðir sem í megindráttum fjalla um niðurstöður í doktorsritgerð Morten Flate Paulsen.

Skrifið bréf á póstlista áfangans og segið frá því hvaða aðferð þið mynduð velja sjálf, hvers vegna og hvað þið teljið að felist í þeirri aðferð.

Lesið bréf frá a.m.k. einum samnemanda og tjáið ykkur um skoðanir hans. Ef einhver hugtök eða verkfæri eru ekki skýr fyrir ykkur spyrjið endilega og svarið hvert öðru ef þið vitið svörin.

Umfang: 4 tímar
Lengd eigin bréfs: 1 síða
Lengd svarbréfs: ½ síða
Skiladagur eigin bréfs: 23. janúar
Skiladagur svarbréfs: 26. janúar

Verkefni 2

Farið á tenglasíðuna, veljið annað hvort dreifnám/fjarnám eða fagfólk og veljið þar einn tengil sem tengist fjarkennslu. Þegar þangað er komið veljið tvö viðfangsefni sem þið teljið áhugavert að fjalla um og sendið bréf um efnið inn á áfangann. Stutt yfirlit um hvað efnið fjallaði og síðan stutt hvað ykkur finnst sjálfum. Lesið síðan bréf frá a.m.k. einum samnemanda og tjáið ykkur um efnið sem hann valdi.

Munið að setja tengla í efnið sem þið lásuð með bréfunum svo aðrir geti farið þangað beint til að glöggva sig á efninu!

Umfang: 4 tímar
Lengd eigin bréfs: 1 síða
Lengd svarbréfs: ½ síða
Skiladagur eigin bréfs: 29. janúar
Skiladagur svarbréfs: 1. febrúar

Verkefni 3

Þetta verkefni fjallar um að þið búið til ykkar eigið skipulag á námsáfanga. Hafið það ekki allt of umfangsmikið, farið til dæmis ekki að búa til kennsluefni eða þvíumlíkt. Þið getið valið annað þessara tveggja:

Dreifnám (staðbundnu námi og fjarnámi er blandað saman. Nemendur eru t.d. í þriggja eininga áfanga, tveir tímar í stofu og fjórir á Neti).
Fjarkennsla, allt námið er í fjarkennslu.

Spurningar sem gott væri að svara væru t.d.

Hvaða verkfæri mynduð þið nota? (ráðstefnur, tölvupóstur, vefur, annað?)
Hvernig mynduð þið byrja námskeiðið?
Hvaða aðferðir mynduð þið nota í kennslunni? Hvernig? (einn-einn, margir-margra, o.s.frv.)
Hvernig mynduð þið reyna að gefa nemendum samkennd eða losa þau við einmanaleika?

Veljið námsáfanga í ykkar kennslugrein og gefið ykkur forsendur sem þið teljið þurfa. Skýrið þær vel í upphafi verkefnisins.

Þetta verkefni megið þið setja á vefsíðu og senda veffang hennar inn á póstlista áfangans eða senda bréf á póstlistann.

Umfang: 8 tímar
Lengd verkefnis: 2 síður
Skiladagur: 10. febrúar

Verkefni 4

Rennið yfir verkefni samnemendanna og veljið skilaverkefni tveggja til að fjalla um á póstlista námskeiðsins.

Fjallið a.m.k. um eftirfarandi efni:

Er skipulagið raunhæft að ykkar mati? (hvers vegna eða hvers vegna ekki)
Mætti bæta skipulagið á einhvern hátt? Hvern?
Hvað finnst ykkur um skipulagið almennt?
Hvað er áhugavert og jákvætt í skipulaginu? Hver er styrkur þess?

Umfang: 3 tímar
Lengd eigin bréfs: ½ síða
Skiladagur eigin bréfs: 15. febrúar

Lokabréf
Hvernig var að vera fjarnemandi? Fjallið um helstu kosti og galla sem þið funduð hjá ykkur sjálfum í tengslum við fjarnám. Mynduð þið læra á annan hátt næst?

Ábendingar varðandi framkvæmd þessa námsþáttar.

Umfang: 1 tími
Lengd bréfs: ½ síða
Skiladagur: 20. febrúar