Fjarkennsla hefur verið stunduð á Netinu um alllangt skeið. Morten Flate Paulsen frá NKI skrifaði doktorsritgerð sína sem birtist í desember 1998 um þetta efni. Hann kannar þar aðferðir sem kennarar nota, viðhorf til þeirra, mat þeirra á vinnuálagi mismunandi aðferða og hvers konar kennsluaðferðir þeir nota. Lítið yfir niðurstöður hans:

	Kennsluaðferðir sem Morten Flate Paulsen fann í rannsókn sinni
	Hver er skilningur kennara á kennsluaðgerðum?
	Hversu margir kennaranna mæla með eftirfarandi aðferðum í fjarkennslu?
	Hver er skilningur kennara á því hvað nemendur læra með hverri kennsluaðferð? Einnig minnst á vinnumagn mismunandi aðferða

Þegar þið lítið yfir þessar niðurstöður sjáið þið að aðferðir sem eru notaðar eru talsvert fjölbreyttar. Menn hafa prófað margt og megindlegar (quantitative) niðurstöður gefa ákveðnar vísbendingar um hvað gæti talist ákjósanlegt. Hinsvegar ber að hafa í huga að mismunandi kennurum henta mismunandi aðferðir og því gæti einn kennari náð góðum árangri með einni aðferð og annar ekki. Rétt eins og í hefðbundinni staðkennslu má finna fjölbreytta flóru kennsluaðferða og fjölbreyttar skoðanir blómstra á þessu sviði.

©Lára Stefánsdóttir, 2001